ഖബര് സിയാരത്തിന്റെ പ്രധാന ഉദ്ദേശം ഖബരാളികല്ക് ദു'ആ ചെയ്യലാണ്. അവരുടെ കര്മ്മങ്ങള് എല്ലാം മുറിഞ്ഞു പോയത് കൊണ്ട് അവര് നമ്മുടെ പ്രാര്ത്ഥന കൂടുതല് ആവശ്യമുള്ളവരുമാണ്. തനിക്കോ ഇതര മുസ്ലിമ്കല്ക്കോ വന്നുപെട്ട ദുരിതങ്ങള് അകറ്റാനും ഖബരിങ്കല് വെച്ച് പ്രാര്തിക്കണം.
എന്നാല് സന്ദര്ശിക്കപ്പെടുന്ന മയ്യിത്ത് ബരകത് ഉറ്റവര് എങ്കില് അവരെ മധ്യവര്ത്തികള് ആക്കി പ്രാര്തിക്കുകയാണ് വേണ്ടത്. അതിനു മുമ്പേ നബി(സ)യെ കൊണ്ട് തവസ്സുല് ചെയ്തു തുടങ്ങുക. പിന്നീട് താന് സന്ദര്ശിക്കുന്ന മഖ്ബരയിലെ സദ്'വൃതരെ കൊണ്ട് തന്റെ ആവശ്യങ്ങള് നിറവേറ്റി കിട്ടാനും പാപമോചനം ലഭിക്കാനും എല്ലാം പ്രാര്തിക്കണം. തന്നോടൊപ്പം മാതാപിതാക്കള്, ഗുരുജനങ്ങള് , ബന്ധുക്കള് , മഖ്ബരയില് അടക്കം ചെയ്യപ്പെട്ട വിശ്വാസികള് , ജീവിച്ചിരിക്കുന്നവരും മരിച്ചവരും ആയ മുസ്ലിംകള് ഇവര്ക്ക് വേണ്ടി എല്ലാം പ്രാര്ത്തിക്കുക .
(അല്ലാമ: ഇബ്നുല് ഹാജ്(ഹി : 737) അല് മദ്ഘല് 1-254-55 )
